点击上方“玉树卫生与健康”关注我们了解更多
—玉树州藏医院治未病中心揭牌开诊
藏医治未病中心讲解现场
结合体质设计的养生阁之一
传统特色藏医疗法
集体合影
རྣམ་འགྱུར་མི་བཅོས་ནད་མེད་གསོ།། འཁྲུགས་ཟིན་མི་བཅོས་འཁྲུགས་མེད་གསོ།།
—ཡུས་ཧྲུའུ་ཁུལ་བོད་སྨན་རྩིས་ཁང་ནད་མེད་ཚེ་བསྲིང་ལྟེ་གནས་
སྒོ་བྱང་འགེལ་ནས་སྨན་བཅོས་བྱེད་འགོ་ཚུགས་པ།
ཚེས་༡༩ཉིན་གྱི་སྔ་དྲོ་ཆུ་ཚོད་༡༠པའི་སྟེང་མཛད་སྒོ་དངོས་སུ་འགོ་ཚུགས་པ། ཁུལ་འཕྲོད་འཆར་ལས་ཁུངས་ཀྱི་ཏང་ཙུའུ་ཧྲུའུ་ཅུ་དང་ཁུལ་འཕྲོད་འཆར་ལས་ཁུངས་ཀྱི་འགོ་གཙོ་བསོད་ནམས་དབང་མོ། ད་དུང་ཁུལ་བོད་སྨན་རྩིས་ཁང་གི་ཡོན་ཀྲང་རིག་གསལ་སོགས་མཉམ་དུ་སྒོ་བྱང་འགེལ་བ། ཡོན་ཀྲང་གིས་ནད་མེད་ཚེ་བསྲིང་ལྟེ་གནས་ངོ་སྤྲོད་མདོ་ཙམ་བྱས་ནས་ཚན་ཁག་འཛུགས་པའི་༼རྣམ་འགྱུར་མི་བཅོས་ནད་མེད་གསོ། འཁྲུགས་ཟིན་མི་བཅོས་འཁྲུགས་མེད་གསོ་༽ཞེས་པའི་འདུ་ཤེས་གསལ་བོ་འདོན་པ། དེ་མ་ཟད་ཡུལ་དངོས་སུ་ཕེབས་པའི་འགོ་ཁྲིད་རྣམས་ལ་སྙིང་དབུས་ནས་ཐུགས་རྗེ་ཆེ་ཞུས་རྗེས་འགྲེལ་བཤད་པ་ཕུན་ཚོགས་ལྷ་མཛེས་ཀྱིས་ཞིབ་ཕྲའི་ངོས་ནས་ནད་མེད་ཚེ་བསྲིང་ལྟེ་གནས་འཛུགས་སྐྲུན་གྱི་རྒྱུ་རྐྱེན་དང་ལས་གཞིའི་ཁྱད་ཆོས་ངོ་སྤྲོད་གནང་བ་མ་ཟད། སྣེ་ལེན་གྱི་བརྒྱུད་ལམ། ཁང་པའི་སྒྲིག་བཟོའི་ཁྱད་ཆོས་དང་རིགས་དབྱེ། བོད་ལུགས་གསོ་རིག་རང་བཞིན་རྟོག་དཔྱོད་ཀྱི་སྐར་འགོད་རེའུ་མིག བདེ་ཐང་གསོ་བཅོས་ཇུས་གཞི། གློག་རྡུལ་ཆ་འཕྲིན་ཡིག་ཚགས་སུ་ཉར་ལུགས། གནད་བསྡུས་དབྱེ་ཞིབ་སོགས་སྲོལ་རྒྱུན་དང་དེང་རབས་ཀྱི་གཟུགས་པོར་བརྟག་དཔྱད་དང་བདེ་ཐང་སྙོམས་སྒྲིག་བྱེད་ཐབས་སོགས་གསལ་འགྲེལ་བྱས།
ནད་མེད་ཚེ་བསྲིང་ལྟེ་གནས་ཀྱིས་རང་བཞིན་བདུན་སྟེ།རྐྱང་བའི་རང་བཞིན་གསུམ་དང་ལྡན་པའི་རང་བཞིན་གསུམ། འདུས་པའི་རང་བཞིན་གཅིག་ལ་དམིགས་ནས་གསོ་བཅོས་ལག་ལེན་དུ་འདེབས། བདེ་ཐང་དང་ནད་ཕོག་སླ་བའི་མི།ནད་མ་ཕོག་གོང་གི་མི་སོགས་ཞབས་ཞུ་བྱ་ཡུལ་དུ་གྱུར།བོད་ལུགས་གསོ་རིག་གི་གསུང་རབ་《དཔལ་ལྡན་རྒྱུད་བཞི》ཚད་གཞིར་འཛིན་ནས་ཞིབ་བཟོ་བྱས་པའི་ལུས་ཀྱི་རང་བཞིན་བགར་བའི་སྐར་འགོད་རེའུ་མིག་གིས་རང་བཞིན་བདུན་པོ་ངོས་འཛིན་ནམ་དབྱེ་ཞིབ་བྱེད་པ་དང་དེང་རབས་ཀྱི་སྔོན་ཐོན་དཔྱད་ཆས་མི་ལུས་གྲུབ་ཆ་དབྱེ་ཞིབ་ཡོ་བྱད་དང་ཟུང་འབྲེལ་བྱས་ནས་བདེ་ཐང་དཔྱད་དཔོག་བྱས། དེ་མ་ཟད་ལུས་སེམས་གཉིས་གསོ་མཉམ་དུ་འཛིན་པའི་སྨན་བཅོས་འདུ་ཤེས་དར་སྤེལ་བཏང་བ། ད་དུང་ཆེད་ལས་མི་སྣས་བདེ་ཐང་གསོ་སྐྱོང་གི་ཇུས་གཞི་མཛུབ་སྟོན་བྱས་པ།དེའི་ནང་དུ་ཟས་སྐོམ་དང་སྤྱོད་ལམ་གྱི་གསོ་སྐྱོང་།སྨན་རྫས་དང་དཔྱད་བཅོས་ཀྱི་གསོ་སྐྱོང་། འདོད་ཡོན་ལྔའི་སྒོ་ནས་གསོ་སྐྱོང་བཅས་བདེ་ཐང་ཞབས་ཞུའི་ནང་དོན་དུ་ཚུད།
བདེ་ཐང་གསོ་ཐབས་ལ་ཉམས་ལེན་དང་ལས་གཞིའི་ནང་ཚན་ལྟ་ཞིབ་སོགས་བརྒྱུད་ནས་ཁུལ་འཕྲོད་འཆར་ལས་ཁུངས་དབུ་ཁྲིད་ཀྱིས་ནད་མེད་ཚེ་བསྲིང་ལྟེ་གནས་ཀྱི་ཁྱད་འཕགས་དགེ་མཚན་གྱི་ཁྱད་ཆོས་དང་མངོན་སུམ་གྱི་དོན་སྙིང་ལ་ཁས་ལེན་བྱེད་ཅིང་དམིགས་ས་ཅན་གྱི་བསམ་འཆར་འདོན་པ། ཁུལ་འཕྲོད་འཆར་ལས་ཁུངས་ཀྱི་འགོ་གཙོ་བསོད་ནམས་དབང་མོས་དགོས་འདོད་ལྟར་ནད་མེད་ཚེ་བསྲིང་ལྟེ་གནས་ཀྱི་འདུ་ཤེས་ཆ་འཕྲིན་ཅན་གྱི་དུས་སྐབས་སུ་ཞུགས་འདྲེས་བྱེད་པ་དང་ཚན་རིག་གི་ཐབས་ལམ་སྤྱད་དེ་མི་རིགས་ཁྱད་ལྡན་གྱི་བོད་ཀྱི་གསོ་རིག་རིག་གནས་བརྒྱུད་དུ་འཛིན་པ།ཐུན་མིན་གྱི་རང་བཞིན་དང་བསྟུན་དམིགས་བསལ་གྱི་བདེ་ཐང་དོ་དམ་འགོད་ཅིང་དམིགས་འབེན་ཅན་གྱི་མི་ཚོགས་རྣམས་ལ་བདེ་ཐང་ཞབས་ཞུ་འདོན་སྤྲོད་བྱེད་པ། བྱེད་ལས་དངོས་སུ་འགྲུབ་ནས་གཏན་ཁེལ་བྱ་ཞིང་སྨན་དོན་མི་སྣ་རྣམས་ལ་སྨན་པའི་ཐོག་མའི་བསམ་འདུན་སྲུང་ལ་བདེ་ཐང་གི་འགན་འཁྲི་ཕྲག་ཏུ་འཁུར་བའི་སྐུལ་འདེགས་གཏོང་། རྒྱུན་དུས་དངོས་ཀྱི་ལས་དོན་ཁྲོད་མི་ལྡང་ས་འཚོལ་བ་དང་དོན་ཐོག་ཏུ་འཁྱོལ་བ། མི་དམངས་ཞབས་འདེགས་བྱེད་ཅིང་བོད་གསོ་རིག་གི་ཁྱད་འཕགས་རིག་གནས་དར་སྤེལ་གཏོང་ནས་རང་ཉིད་ཀྱི་སྟོབས་ཤུགས་ལེགས་སྐྱེས་སུ་འབུལ་བ་དང་བདེ་ཐང་ཡུས་ཧྲུའུ་འཛུགས་སྐྲུན་བྱེད་པ་ལ་འབད་བརྩོན་བྱ་རྒྱུ་གལ་བ་ཞེས་སུ་གསུངས་སོ།
推荐阅读